Maro Aksharam News

English | తెలుగు

Date & Time : 23rd Tue Oct 2018 - 05:19:13pm

తాజా వార్తలు

నష్టాల్లో కొనసాగుతున్న స్టాక్‌ మార్కెట్లు-దేశీయ స్టాక్‌మార్కెట్లు భారీ నష్టాల్లోకి మళ్లాయి. లాభాలతో ప్రారంభమైన కీలక సూచీలు అమ్మకాలు ఊపందుకోవడంతో నష్టాల్లోకి జారుకున్నాయి. దీనికి తోడు రూపాయి విలువ పతనాన్ని నిలువరించడానికి అనవసరమైన దిగుమతులను నిషేధిస్తామన్న కేంద్ర ప్రభుత్వ ప్రకటన కూడా ఇన్వెస్టర్లపై ప్రభావం చూపింది. ఈ నేపథ్యంలో దేశీయ స్టాక్ మార్కెట్లు ఈరోజు కుప్పకూలాయి. ప్రస్తుతం సెన్సెక్స్‌ 505 పాయింట్లు పతనమై 37,585 వద్ద, నిఫ్టీ 138పాయింట్లు కోల్పోయి 11,376 స్థాయికి చేరింది.
అర్హులందరూ ఓటరుగా నమోదు చేసుకోవాలి
లండన్ : పాకిస్థాన్ మాజీ ప్రధాని నవాజ్ షరీఫ్ భార్య బేగం కుల్సుం షరీఫ్(68) మంగళవారం కన్నుమూసింది. గొంతు క్యాన్సర్‌తో బాధ పడుతున్న కుల్సుం.. లండన్‌లోని హార్లే స్ట్రీట్ ఆస్పత్రిలో చికిత్స పొందుతూ తుదిశ్వాస విడిచినట్లు కుటుంబ సభ్యులు తెలిపారు. 2014 నుంచి ఆమె గొంతు క్యాన్సర్‌తో బాధపడుతుంది. కుల్సుం మరణ వార్త తెలుసుకున్న నవాజ్ షరీఫ్, ఆయన కుమార్తె మరియం నవాజ్, అల్లుడు మహ్మముద్ సఫ్దార్ తీవ్ర దిగ్భ్రాంతికి గురయ్యారు.
అక్టోబర్ 24 వరకు ఇంటర్ పరీక్ష ఫీజు గడువు- తెలంగాణలో ఇంటర్మీడియట్ వార్షిక పరీక్షల ఫీజు చెల్లింపునకు షెడ్యూలు ఖరారు చేశారు. బోర్డు కార్యదర్శి డాక్టర్ ఎ అశోక్ షెడ్యూలును సోమవారం నాడు విడుదల చేశారు. ఈ నెల 17వ తేదీ నుండి అక్టోబర్ 24 వరకూ ఎలాంటి అపరాధ రుసుం లేకుండా పరీక్ష ఫీజు చెల్లించవచ్చని, 100 రూపాయిల జరిమానాతో అక్టోబర్ 25 నుండి నవంబర్ 8 వరకూ ఫీజు చెల్లించవచ్చని చెప్పారు. 500 జరిమానాతో నవంబర్ 26 వరకూ, వెయ్యి రూపాయిల జరిమానాతో డిసెంబర్ 11 వరకూ, 2వేల జరిమానాతో జనవరి 2 వరకూ, 3వేల జరిమానాతో జనవరి 21 వరకూ, 5వేల జరిమానాతో ఫిబ్రవరి 4 వరకూ పరీక్ష ఫీజు చెల్లించవచ్చు. ఫస్టియర్, సెకండియర్ విద్యార్థులకు ఈ షెడ్యూలు వర్తిస్తుందని ఆయన చెప్పారు. థియిరీ సబ్జెక్టులకు 460 రూపాయిలు, థియిరీ , ప్రాక్టికల్ సబ్జెక్టులకు 620 రూపాయిలు చెల్లించాల్సి ఉంటుంది. బ్రిడ్జికోర్సులో ప్రాక్టికల్ పరీక్షలకు అదనంగా 170 రూపాయిలు, బ్రిడ్జికోర్సులో థియిరీ సబ్జెక్టులకు 120 రూపాయిలు, మాథ్స్, రెండో అడిషనల్ లాంగ్వేజికి 460 రూపాయిలు, హ్యుమానిటీస్‌లో ఇంప్రూవ్‌మెంట్‌కు హాజరయ్యేవారికి 1050 రూపాయిలు, సైన్స్ గ్రూప్‌ల్లో ఇంప్రూవ్‌మెంట్‌కు హాజరయ్యేవారికి 1200 రూపాయిలు పరీక్ష ఫీజుగా చెల్లిచాల్సి ఉంటుంది.
కొండగట్టు వద్ద ఘోర రోడ్డు ప్రమాదం- జగిత్యాల జిల్లా కొండగట్టు ఘాట్‌ రోడ్డు వద్ద ఘోర రోడ్డు ప్రమాదం జరిగింది. ప్రయాణికులతో వెళ్తున్న ఆర్టీసీ బస్సు అదుపు తప్పి బోల్తా పడింది. ఈ ఘటనలో 32 మంది చనిపోయారు. మరో 20 మందికి తీవ్రగాయాలు అయ్యాయి. మృతుల సంఖ్య పెరిగే అవకాశం ఉంది. క్షతగాత్రులను జగిత్యాల, కరీంనగర్‌ ప్రభుత్వాసుపత్రులకు తరలించారు.బస్సు కొండగట్టు నుంచి జగిత్యాల వెళ్తుండగా ప్రమాదం జరిగింది. ప్రమాద సమయంలో బస్సులో 52 మంది వరకు ఉన్నట్లు సమాచారం. ప్రమాదానికి కారణమైన బస్సు జగిత్యాల డిపోకు చెందినదిగా గుర్తించారు.
అమరావతి: రాష్ట్రంలో 41 ఐటీఐలు ఏర్పాటుచేసేందుకు ప్రతిపాదనలు సిద్ధం చేశామని ఏపీ కార్మిక శాఖ మంత్రి పితాని సత్యనారాయణ శాసనసభలో తెలిపారు. ఐటీఐల ఏర్పాటుకు సంబంధించి సభ్యులు లేవనెత్తిన ప్రశ్నలకు సమాధానం ఇస్తూ పై విషయాన్ని వెల్లడించారు.
అమరావతి: ఏపీ అసెంబ్లీ వేదికగా సీఎం చంద్రబాబు నాయుడు జర్నలిస్టులకు శుభవార్త చెప్పారు. జర్నలిస్టులకు రూ.వంద కోట్లు కేటాయించామని.. వారి సొంత ఇంటి కలను నెరవేర్చుతామని ఈ సందర్భంగా సీఎం స్పష్టం చేశారు. రాజధాని, గ్రామీణ ప్రాంతాల్లో ఇళ్లు కట్టిస్తామని జర్నలిస్టులకు బాబు శుభవార్త చెప్పారు.
యాదగిరిగుట్టలో ఈనెల 23న తెలుగుభాషా చైతన్యసమితి ఆధ్వర్యంలో వందమంది కవులతో 'యాదాద్రి వైభవం' పేరుతో కవిసమ్మేళనం నిర్వహిస్తున్నట్లు సమితి ఉమ్మడి నల్గొండ జిల్లా అధ్యక్షుడు కోమటి మత్స్యగిరి తెలిపారు.
వేతనాల పెంపు హర్షణీయం భువనగిరి: ముఖ్యమంత్రి కేసీఆర్‌ రాష్ట్రంలో పనిచేస్తున్న రెండో ఏఎన్‌ఎంలకు వేతనాలు పెంచడం హర్షణీయమని టీఆర్‌ఎస్‌కేవీ రాష్ట్ర గౌరవ అధ్యక్షుడు రాంబాబు యాదవ్‌ అన్నారు. రూ.9వేలు పెంచుతూ ఉత్తర్వులు జారీ చేయడం వందలాది కుటుంబాలకు లబ్ధి చేకూరిందన్నారు. రెండో ఏఎన్‌ఎంల అసోసియేషన్‌ రాష్ట్ర అధ్యక్షురాలు చింతపండు అనురాధ మాట్లాడుతూ వేతనాలు పెంచిన ముఖ్యమంత్రికి కృతజ్ఞతలు తెలిపారు. సమావేశంలో రాష్ట్ర ఉపాధ్యక్షుడు మారయ్య, పుర ఉపాధ్యక్షురాలు నువ్వుల ప్రసన్న, టీఆర్‌ఎస్‌కేవీ జిల్లా అధ్యక్షుడు మందుల వెంకటయ్య, జిల్లా అధ్యక్షుడు నర్సింగరావు, యూనియన్‌ నాయకులు, తదితరులు పాల్గొన్నారు
బంద్‌ ప్రశాంతం: పెట్రోల్‌ ధరలను తగ్గించాలని డిమాండ్‌ చేస్తూ నేటి భారత్‌ బంద్‌ను పురస్కరించుకుని కాంగ్రెస్‌, తెదేపా, సీపీఎం, సీపీఐ, సీపీఐఎంఎల్‌ న్యూడెమొక్రసీ పార్టీల నాయకులు కార్యకర్తలు నర్సంపేటలో వేర్వేరుగా నిరసనలు జరిపి రాస్తారోకో జరిపారు. ఆందోళన చేస్తున్న అన్ని పార్టీల నాయకులను, కార్యకర్తలను పోలీసులు అరెస్ట్‌ చేసి పోలీసు స్టేషన్‌కు తరలించారు
హైదరాబాద్ : ములుగు అటవీ కళాశాలలో అధ్యాపక పోస్టుల నియామకానికి ప్రభుత్వం గ్నీన్ సిగ్నల్ ఇచ్చింది. ములుగు అటవీ కళాశాలలో 24 ప్రొఫెసర్లు, అసిస్టెంట్ ప్రొఫెసర్లు, అసోసియేట్ ప్రొఫెసర్ల పోస్టుల భర్తీకి టీఎస్‌పీఎస్సీ నోటిఫికేషన్ విడుదల చేసింది.
వనపర్తి : కొత్తకోట మండల కేంద్రంలో సోమవారం చాకలి ఐలమ్మ వర్ధంతి సందర్భంగా దేవరకద్ర నియోజకవర్గ కాంగ్రెస్ పార్టీ ఇంచార్జ్ డోకూర్ పవన్ కుమార్ , పీసీసీ సభ్యులు విశ్వేశ్వర్ లు ఐలమ్మ విగ్రహానికి పూలమాలలు వేసి నివాళులర్పించారు. ఈ కార్యక్రమంలో మండల కాంగ్రెస్ పార్టీ నాయకులు, కార్యకర్తలు పాల్గొన్నారు.
సిలిండర్ ధర..రూ. 1000 ? - ఆగస్టు మాసంలో రూ. 790 ఉన్న నాన్ సబ్సిడీ సిలిండర్ ధర ఇప్పుడు రూ. 820.50కి చేరిపోయింది. ధరలు ఎందుకు పెరుగుతున్నాయి ? అంటే క్రూడ్ ఆయిల్ ధరలు పెరుగుతున్నాయని..గత్యంతరం లేని పరిస్థితుల్లో ధరలు పెరుగుతున్నాయని పేర్కొంటున్నారు. రెండు..మూడు నెలల్లో ఇదే పరిస్థితి కొనసాగితే మాత్రం పైన పేర్కొన్నట్లు రూ. 1000 కాబోతుందని ప్రచారం జరుగుతోంది
తెలంగాణ ప్రభుత్వం ఉద్యోగులకు శుభవార్త అందించింది. ఒక విడత డీఏ చెల్లింపు ఉత్తర్వులపై సీఎం కేసీఆర్ సోమవారం సంతకం చేశారు. ప్రతి మూడు నెలలకు ఒకసారి డీఏ పెంచాల్సి ఉంటుందని, ఇవాళ దీనికి సంబంధించిన ఫైల్‌పై ముఖ్యమంత్రి సంతకం చేశారు. ఇవాళ పెంచినదాంతో పాటు మొత్తం 27.24 శాతానికి డీఏ పెరిగింది. ఇవాళ 1.52శాతం డీఏ పెంచారు. దీంతో మొత్తం ఉద్యోగులకు 27.24 శాతం పెరిగింది.
రానున్న 24 గంటల్లో బంగాళాఖాతంలో అల్పపీడనం ఏర్పడనుందని వాతావరణ కేంద్రం తెలిపింది. అల్పపీడన ప్రభావంతో ఉపరితల ఆవర్తనం ఏర్పడుతుందని, దీని ప్రభావంతో తెలంగాణ, ఏపీ రాష్ట్రాల్లో వర్షాలు కురిసే అవకాశం ఉందని పేర్కొంది. తెలంగాణ రాష్ట్రంలో అక్కడక్కడ తేలికపాటి నుంచి ఓ మోస్తరు వర్షాలు, కోస్తాంధ్ర, రాయలసీమలో కొన్ని చోట్ల వర్షాలు కురుస్తాయని పేర్కొంది.
రేపు రాజ్ భవన్లో రాఖీ వేడుకలు రద్దు హైదరాబాద్‌: రేపు రాజ్‌ భవన్‌లో రాఖీ వేడుకలు రద్దు చేస్తున్నట్లు గవర్నర్‌ ఈఎస్‌ఎల్‌ నరసింహన్‌ ఒక ప్రకటనలో తెలిపారు. కేరళలో వరదలు బీభత్సం సృష్టించడంతో అక్కడ లక్షలాదిమంది ఆశ్రయం కోల్పోయారు. పొరుగు రాష్ట్రం ఆపదలో ఉన్న కారణంగా రాఖీ వేడుకలు రద్దు చేస్తున్నట్లు గవర్నర్‌ పేర్కొన్నారు.
రూ. 3 కోట్లు చోరీ కేసు, పోలీసుల అదుపులో కాంగ్రెస్ పార్టీ లేడీ లీడర్, పక్కా ప్లాన్, లూటీ!
ఎయిర్‌సెల్-మ్యాక్సిస్ కేసు: చిదంబరంను ప్రశ్నించిన ఈడీ
శ్రీశైలం ప్రాజెక్టు: కృష్ణా నది పరీవాహక ప్రాంతంలో కురిసిన భారీ వర్షాలతో శ్రీశైలం జలాశయం నిండుకుండలా కళకళలాడుతుంది జూరాల నుంచి 1,69,531 క్యూసెక్కులు, సుంకేసుల నుంచి 87,262 క్యూసెక్కులు కలిపి మొత్తం 2,56,793 క్యూసెక్కుల వరదనీరు గురువారం జలాశయంలోకి చేరుకుంటుంది. జలాశయం పూర్తి స్థాయి నీటిమట్టం 885 అడుగులు కాగా ప్రస్తుతం 883.30 అడుగులకు చేరుకుంది. దీని పూర్తిస్థాయి నీటి నిల్వ సామర్థ్యం 215.80 టీఎంసీలు కాగా ప్రస్తుతం 201.5822 టీఎంసీలు నమోదైంది. 8 క్రస్టు గేట్ల ద్వారా 2,18,360 క్యూసెక్కుల నీరు నాగార్జున సాగర్‌కు వెళ్తుండగా, కుడిగట్టు విద్యుత్ ఉత్పాదన కేంద్రం నుంచి 30,039 క్యూసెక్కులు, ఎడమ గట్టు విద్యుత్ ఉత్పాదన కేంద్రం నుంచి 42,378 క్యూసెక్కుల నీరు, హంద్రీనీవాకు 2,363 క్యూసెక్కులు, పోతిరెడ్డిపాడుకు 24,000 క్యూసెక్కులు, ఎంజీకేఎల్‌ఐకు 2400 క్యూసెక్కులు మొత్తం 3,19,594 క్యూసెక్కుల నీరు విడుదల అవుతున్నట్లు అధికారులు తెలిపారు.
ఎస్సారెస్పీ నుంచి నీటి విడుదల బాల్కొండ: నిజామాబాద్‌లోని శ్రీరాంసాగర్‌ ప్రాజెక్టు నుంచి కాకతీయ కాలువ ద్వారా 2 వేల క్యూసెక్కుల నీటిని బుధవారం ఉదయం విడుదల చేశారు. సూపరింటెండెంట్‌ ఇంజినీర్‌ శ్రీనివాస్‌రెడ్డి గోదావరి నీటికి పూజలు చేసి నీటిని విడుదల చేశారు. శ్రీరాంసాగర్‌ ప్రాజెక్టులోకి ఎగువ ప్రాంతం నుంచి భారీ వరద కొనసాగుతోందని చెప్పారు. ప్రాజెక్టు పూర్తిస్థాయి నీటిమట్టం 1091 అడుగులు కాగా ప్రస్తుతం 1084.50 అడుగులకు చేరుకున్నట్లు తెలిపారు. ఎగువ ప్రాంతం నుంచి 1,47,650 క్యూసెక్కుల వరద ప్రవాహం ఉందని, ప్రస్తుతం 65.294 టీఎంసీల నీరు ప్రాజెక్టులో నిల్వ ఉన్నట్లు చెప్పారు. కార్యక్రమంలో ఈఈ రామారావు తదితరులు పాల్గొన్నారు.
నీలంసాగర్‌ డ్యాం నుంచి శ్రీశైలం ప్రాజెక్టు: కర్నూలు జిల్లా శ్రీశైలంలోని శ్రీశైల జలాశయానికి వచ్చి చేరుతున్న వరద నీటి ప్రవాహం కొనసాగుతుండటంతో సోమవారం సామంత్రం వరకు జలవనురులశాఖ అధికారులు ఐదు రేడియల్‌ క్రస్ట్‌గేట్ల ద్వార 10అడుగుల ఎత్తు మేరకు పెంచి స్పిల్‌వే గుండా 1,33,950క్యూసెక్కుల నీటిని దిగువకు విడుదల చేయడం జరుగుతుంది. జలాశయం పూర్తిస్థాయి నీటిమట్టం 885 అడుగులు కాగా డ్యాం నీటినిల్వ సామర్థ్యం 215.80టిఎంసిలుగా కొనసాగుతుంది. ప్రస్తుతం జలాశయం నీటిమట్టం 3గంటల సమయానికి 882.20అడుగులుగా ఉండగా నీటినిల్వ సామర్థ్యం 200.1971 టిఎంసిలుగా వుంది.
వినేశ్‌కు హరియాణా ప్రభుత్వం భారీ నజరానా చండీగఢ్‌: ఆసియా క్రీడల్లో పతకాలు సాధించిన క్రీడాకారులకు నజరానాల వర్షం కురుస్తోంది. తాజాగా రెజ్లింగ్‌లో భారత్‌కు తొలి బంగారు పతకాన్ని అందించిన హరియాణా క్రీడాకారిణి వినేశ్‌ ఫొగాట్‌కు ఆ రాష్ట్ర ప్రభుత్వం రూ.3కోట్ల నజరానాను అందజేయనున్నట్లు ప్రకటించింది. భాజపా నేత, హరియాణా క్రీడల శాఖ మంత్రి అనిల్‌ విజ్‌ సోమవారం ట్విటర్‌ ద్వారా వినేశ్‌ను అభినందిస్తూ నజరానా ప్రకటించారు
పౌరులపై నిఘాను రాజ్యాంగం అనుమతించదు - సుప్రీంకోర్టు మాజీ న్యాయమూర్తి జస్టిస్‌ బి.ఎన్‌. శ్రీకృష్ణ.
సామాన్యుల ఆయుధం సామాజిక మాధ్యమం: జర్నలిస్టు కె రాంచంద్రమూర్తి.
సీఎం కేసీఆర్కు కేరళ సీఎం విజయన్ కృతజ్ఞతలు - కేరళకు రూ.25 కోట్ల విరాళం.
భారతీ ఎయిర్‌టెల్ జియోకు కాంపిటీటీవ్ ప్లాన్ గా రూ.93 లో ఒక న్యూ ప్లాన్ ని లాంచ్ చేసింది . ఈ ప్లాన్‌ లో ఎయిర్టెల్ ప్రీపెయిడ్ యూజర్స్ 10 రోజుల వాలిడిటీ తో 1జీబీ 3జీ/4జీ డేటా ఫ్రీ గా పొందవచ్చు . అండ్ డైలీ 100 SMS ల సౌకర్యం తో పాటుగా అన్‌లిమిటెడ్ లోకల్, ఎస్‌టీడీ కాల్స్ అండ్ ఫ్రీ రోమింగ్ ఫెసిలిటీ ని కూడా ఎయిర్టెల్ తన యూజర్స్ కో అందుబాటులోకి తెచ్చింది .
ఇక పేస్ బుక్ ఓపెన్ చేయాలంటే..ఆధార్ ఉండాల్సిందే...... ఇక కొత్త గా ఫేస్ బుక్ అకౌంట్ ఓపెన్ చేయాలనుకున్నవారు తమ ఆధార్ కార్డు మీద వుండే పేరుని మాత్రమే యూజర్ నేమ్ గా పెట్టుకోవాలని సంస్థ నిర్ణయిస్తుంది. ఈ మేరకు కొత్త ఫీచర్ ని డెవలప్ చేసి.. టెస్టింగ్ చేస్తోంది ఫేస్ బుక్. ప్రస్తుతానికి.. ఈ ఫీచర్ ని పరిమిత సంఖ్య యూజర్లకు మాత్రమే అప్లై చేయబోతోందని, ఇప్పటికే తెరిచిన ఫేస్ బుక్ ఖాతాల విషయంలో ఎలా వ్యవహరించాలన్న అంశం కూడా పరిశీలనలో వుందని తెలుస్తోంది. దీని ద్వారా ఫేక్ అకౌంట్ లకు చెక్ పెట్టొచ్చని చెప్పచ్చు......

క్రైమ్ వార్తలు

ఖమ్మం: చట్ట వ్యతిరేక కార్యక్రమాలకు పాల్పడే వారిలో భయాన్ని కలిగించడానికే కార్డన్ సెర్చ్: అడిషనల్ డిసి

25-08-2018

బలహీనులను దౌర్జన్యంగా దోపిడీ చేస్తూ, చట్ట వ్యతిరేక కార్యక్రమ�..

యువతిని మోసం చేసిన కేసులో ఓయూ అసిస్టెంట్ ప్రొఫెసర్ అరెస్టు ...

05-06-2018

హైదరాబాద్: ఓ యువతిని పెళ్లి చేసుకుంటానని చెప్పి మోసం చేసిన..

ఏసీబీకి చిక్కిన మరో అవినీతి సొరచేప!.

05-06-2018

ఇటీవల అవినీతి నిరోధక శాఖ చేపట్టిన దాడుల్లో అనేక మంది అధికా..

లోయలో పడిన బస్సు: 11మంది మృతి, 19మందికి గాయాలు ...

05-06-2018

ఐజ్వాల్‌: మిజోరాం రాష్ట్రంలో మంగళవారం ఘోర ప్రమాదం చోటు చే..

నింద నిజమైతే తప్పక దిద్దుకో అబద్దమైతే నవ్వేసి ఊరుకో
ఏ ఒక్క రోజైనా నీకు సమస్యలు ఎదురుకాలేదంలే నువ్వు తప్పు మార్గంలో ప్రయానిస్తున్నావని అర్థం.
విజయం పొందాలనుకున్న వారు, ఎన్నడూ నిరాశ చెందరు
మోసం చేయడంకంటే ఓటమిని పొందడమే గౌరవదాయకమైన విషయం
కష్టాలు బలహీనుని పడగొడుతాయి. బలవంతుని అభివృద్ధి చేస్తాయి